Drukke rust
drukte hier, zi-j an zi-j, alle stoele op een ri-j
muziek steet hard, dreunt maor deur, `t galmt na
minse praote, minse slaope, en ik lig, mien oge ope
minse lope langs mien op en ik stao
ik stao op, en haal veur ow
um de dag weer te beklinke, eerst maor wat te drinke
drukke rust, dat is ok, drukke rust ik kan `t hebbe met z`n twee
drukke rust, ik en gi-j
volle tent, grote band, ach wi-j zun wel wat gewend
d`r wurdt gedouwd, d`r wurdt gebeukt, de rug weer nat
bier vlug rond, en bi-j de tap, is `t altied net te krap
ik wring d`r deur, vindt mien weg, `t is altied wat
in mien kop dreai-jt de werld altied deur
soms mot ik weg van de alledaagse sleur
drukke rust, dat is ok, drukke rust ik kan `t hebbe met z`n twee
drukke rust, ik en gi-j
bussen komme en vertrekke, en ik ken algauw de plekke
zeuk `t op, en wil terug naor `t begin
want gedachtes blieve zeure, op `n dag zal `t gebeure
minse komme en verdwijne zonder zin
as wi-j ure kunne zwijge, en gi-j blief altied ow eige
soms is praote alleen vraoge hoe `t geet
zal ik ow nog jaore kenne, en steet meer an ow gaon wenne
zonder vrienden is `t leave niet kompleet
in mien kop dreai-jt de werld altied deur
soms mot ik weg van de alledaagse sleur
drukke rust, dat is ok, drukke rust in kan `t hebbe met z`n twee
drukke rust, ik en gi-j
 |