Mien veranda
mexico vol in de zon, mexico vol in de zon elke dag
kiek ik op de prairie uut, weinig wind en gin geluud
ik hol dit dage vol, laot mien maor gaon
mexico vol in de zon, mexico vol in de zon elke dag
`t stof waei-jt op al weake dreug, ik nem een flinke teug
Ik blief hier ligge, ik heb niks beaters te doen
Ik verreur mien bi-jna niet, denk niet ens meer an de tied
dit is mien land waor ik geniet
op mien veranda, mien veranda, met een tequila hang ik in een mat
met wat salt op mien hand, smikt dat prima, dit is beater dan de drukte
van de stad
mexico vol in de zon, mexico vol in de zon weer een dag
een zandtornado dreai-jt wat rond, niet zo groot, dicht bi-j de grond
bi-j een cactus hult `t op, `t stof dwarrelt neer
mexico vol in de zon, mexico vol in de zon elke dag
tortillia`s in de saus gedipt, kurk van de fles gewipt
mariachi de muziek, kapel in de zon
de trompette klinke top, een sombrero op mien kop
in de verte pearde in galop
op mien veranda, mien veranda, met een tequila hang ik in een mat
met wat salt op mien hand, smikt dat prima, dit is beater dan de drukte
van de stad
mexico vol in de zon, mexico vol in de zon elke dag
inens een schok, de zon vult uut, een sirene, rotgeluud
en ik heur een vrouwestem die zegt, bel me nu
de reage dat slut op de ruut, de reage dat slut op de ruut disse nacht
rotreclame op tv, kwart veur drie, ze wil privé,
krabbel langzaam overend, ik bun dit gewend
en ze hi-jgt de buurt bi-j één, dus ik zap d`r weg meteen
ik zeuk mien bed op en ik denk
an mien veranda, mien veranda, met een tequila hing ik in een mat
met wat salt op mien hand, was dat prima, alles beater dan de drukte van
de stad
 |